Docternan y Hospital usando diferente Masashi cu tin Benificio pa Salud!!

Masashi tabata consedera como un practica di lugo. Pero esaki ta cambiando drásticamente awor! E docter y Hospitalnan ta ofreciendo cada bes mas y mas masashi y terapia corporal. Eta un parti di e solucion medico actual pa e lesionnan, enfermedadnan y dolor di curpa. Awor masashi ta wordo ofresi den clinicanan di salud, centro de rehabilitacion fisica y hospitalnan pa mehora e salud y bienestar di un persona.
Pakiko masashi ta bon pa salud?

Practicamente ful e sistema di curpa ta wordo afecta door di un masashi, sea directo of indirecto.

Cua ta e beneficionan curativo di e masashi?

E sistema di skelet: E “Swedish Massage of e Shiatsu Massage” por wordo usa pa mehora e sistema di esqueleto. Indirectamente e weso ta wordo afecta door di e masashi. E ta mehora e circulación di e sanger e ta hiba oxigeno y nutriente pa e wesonan. Weso cu ta stijf y dolor por wordo reduci. Poco poco e musculonan ta bira mas flexibel y e joints nan ta move hopi mihor.

E sistema muscular: E propósito principal di “Sport Massage” ta pa yuda alivia e stes y tensión cu ta acumula den e musculo nan durante deporte of gym. E movimiento ta relaga y ta rek e muscolo nan, y ta kita e tensión riba e musculo nan y kramp. E ta hasi e musculonan hopi mas flexibel door di reduci e tensión riba e fibra di e musculo nan. Musculo nan cu ta cansa pavia di ejercicio ta recupera mucho mas liher door di e masashi aki.

E sistema nervioso: E “Swedish Massage y e Shiatsu Massage” por duna un alivio na e nervionan cu ta irita y na e condición relaciona cu stres, manera insomnio y dolo di cabes pavia di e tensión. E “Deep Tissue Massage” ta wordo usa pa stimula y ta alivia flohera y cansancio.

Sistema de Circulacion: E “Swedish Massage of e Sabai Stone Therapy Massage” ta mehora e fluho di sanger, loke ta yuda cu e mal circulación y ta smelt e tensión den e curpa. E “Swedish Massage” tambe por wordo utiliza pa cualquier persona cu ta inmobil.

Sistema linfatico: E “Swedish Massage” ta stimula e sistema limfatico, cu ta yuda limpia e curpa di e acumulacion di productonan di desecho. E efecto relahante di e masashi aki ta alivia stres, ya tambe ta stimula e sistema imunologico.

Sistema respiratorio: Durante un “Swedish Massage of un Deep Tissue Massage” bo ta bira mas relaxed, e respiración ta bira mas slow y profundo door di usa e diafragma pa hala rosea y gasta menos energia. E movecion di e masashi aki cu tin un presión mas intenso riba e pulmonnan ta alivia congencion di pecho.

Sistema digestivo: E “Shiatsu Massage of e Swedish Massage” ta un masashi cu ta yuda aumenta e movimiento di e cuminda, e trastorno digestivo y problema di tripa. Eta move tur e productonan di desecho cu tin den bo tripa. E tin un efecto di equilibrio den bo sistema digestivo.

Sistema di Orina: E “Swedish Massage” ta yuda tur e productonan di desecha cu a libera durante e masashi haya su caminda via di e sanger pa e riñonnan na unda nan por wordo filtra y saca.

Sistema reproductivo femenina: Pa problemanan di menstruacion, manera dolor di menstuacion y PMS e “Shiatsu Massage o el Swedish Massage” ta wordo usa pa relaja y alivia e sintomanan di menopausia.