Tratamento Di Masahe Relajante Y Rejuvenecimento Di Musculonan Doloroso

Masahe Sueco, E ultimo den tratamento pa baja stress

E masahe di e curpa completo aki ta pa logra un relajación profundo, pa aumenta e circulación di sanger, y pa alivia stress di mente y curpa.

 

Terapia di Piedra Sabai

Piedra cayente y frieuw ta crea fluho di diferente temperatura den bo curpa. E combinación di masahe y e ponemento di piedra den un kring rond di bo weso di lomba, ta manda rayonan den bo schouder y nek, cu ta sigui core den bo pianan te na bo plantanan di pia, y ta elimina e tensión den bo curpa. Ta bon conoci cu e piedranan cayente ta facilita e fluho di relajación den bo mente, curpa y alma.

 

Masahe di tejido hundo

E masahe di tejido hundo aki ta un tipo di masahe cu ta cubri e structura di e tejido di e musculonan y e tejido conectivo rond di e musculonan, e wesonan y e joints, y cu tambe ta wordo jama ligamento. Masahe di tejido hundo ta usa hopi di e movecionnan y technicanan di e Masahe Sueco, pero e presión cu ta wordo poní riba e curpa ta normalmente más intenso. E masahe aki tambe ta un propósito particular , como cu e terapista ta trata di los e tensiónnan crónico di e musculonan of knobbels (tambe conoci como adhesión). E masahe aki ta hopi bon después di un “workout”.

Pa un suma aditional, cualkier tratamento di Aromaterapia por wordo añadi na bo masahe di cara of di curpa, E experiencia ta sobresalí. Favor laga e receptionista sa si bo kier inclui e servicio aki pa por planea mas tempo pa bo.

 

Masahe Shiatsu of Acupresion

Shiatsu, of acupresion, ta un technica di masahe usando e dedenan. Terapia di masahe Shiatsu ta un technica di masahe antiguo Japones durante cual e terapista ta aplica presión cu su duimnan, dedenan y palma di man riba cierto areanan di e curpa cu a wordo determina durante un periodo di evaluación promer cu a cuminza e sesión di masahe. Hincamento cu ancua no ta wordo aplica durante e masahe Shiatsu.

 

Masahe pa deporte

E motibo principal pa aplica technica di masahe pa deporte ta pa juda alivia stress y tensión cu ta forma den e tejidonan suave di e curpa durante actividadnan físico. Si a haña un golpi y si tin un lesión pa motibo di a forsa e curpa di mas of haci ejercicio exceso, masahe lo por suaviza esaki rápidamente y eficaz. E masahe ta juda prepara e deportista pa jega na un máximo prestación, pa baha cansancio, pa elimina hinchanan, pa reduci tensión muscular, pa promove flexibilidad y pa preveni golpi.

 

Masahe cu Aromaterapia

Masahe cu Aromaterapia ta e sciencia antiguo pa cura, relaja y pa aumenta energía usando mata y e partinan di e mata. E raíz, e casca di e mata, e flor,e frutanan, e simillanan y e nueces ta hunga un papel crucial den e sciencia aki. E ta un di e ramonan mas popular di medicina alternativa. Azetanan volátil (vluchtig) ta forma e base di Aromaterapia. E azetanan volátil ta extracto di mata y e partinan di e mata cu ta forma e forza pa nan crece. E azetanan volátil ta afecta bo humor. Nan ta drenta via bo olfato y ta afecta e sistema nervioso, kier meen cu e ta drecha bo humor y ta relaja bo y ta aumenta bo energía. Y esaki ta alivia stress y ta acelera e cura.

 

Masahe durante embarazo

Den un palabra, “un deleite”. E masahe a wordo desaroya specialmente pa e futuro mama. E masahe aki ta juda reduci dolor di lomba y dolor di nek asocia cu e embarazo. Movecionnan ágil y relajante di e terapista ta haci cu e mama y e baby ta bai tranquilizando.
(Tratamento solamente entre 3-6 luna)

 

Reflexologia, Masahe di pia

E técnica di digitopuntura (pone presión riba un zona particular)na momento cu e wordo aplica riba e pianan ta alivia tensión. Cada zona ta corresponde cu un area di e curpa cu mester mejora. E ta specialmente beneficioso pa e personanan cu ta henter dia riba pia.

 

Masahe di Nek y Schouder

Un masahe di nek y schouder ta mengua dolor di cabez y tensión causá pa fatiga of presión riba e musculonan di bo cabez y nek haciendo movecionnan constante y uniforme. E masahe tambe ta alivia migraine. Migraine ta manifesta su mes cu batimento den cabez y especialmente na un banda tras di bo wowonan y migraine por wordo causá pa cierto factornan manera stress of pasa hopi tempo den solo cayente. E masahe aki ta laga bo sinti añanan mas jong.

Reserva un Tratamento

Planea adelanta y reserva bo tratamento promer cu bo jega Aruba y ricibi un descuento di 15%.

Bono di regalo

Cumpra un Bon di Regalo y sorpresa e persona special cu un Tratamento di Spa maravilloso na nos bunita spa na Aruba.

Special di Luna

Pamper bo mes y reserva nos Special di Luna na un prijs considerablemente reduci.

Tuma un Paseo den nos Spa

Tuma un momento y disfruta e video di un Paseo den nos Spa y Salon.

Pakiko masahe ta saludabel pabo?

Discubri pakiko masahe ta bon pa bo salud.